"کاش گلیدیم جوارونده یاشیدم"

بیر اولایدی جیران کیمین داغلاروندا قاچیدم چیمنونده چیچک اولوپ عشوه لنیپ آچیدم
صبح گلنده آی سووشوپ ستاره لر گدنده گونش کیمین اشیخ سالوپ داغلاروننان آشیدم
قار اولیدم اوتوریدم توپراغوندا داشوندا بولاغ کیمین داشلاروون آراسننان جوشیدم
بهار فصلی سوسن کیمین قامتیم اوجالاندا سبزه وروپ آغاجلارون بندینه دولاشیدم
سایه سالوپ بولوط کیمین دولانیدم باشووا یاغیش اولوپ چایلاروندا باغچالارا چاشیدم
بیر گون گلیپ یوللاروننان یللر کیمین گچنده بیر قوش اولوپ آغاجلارون بوداغنا اوچیدم
گورموییدم یامان گونون بو دنیادا اولانجا شادلیخ اولوپ غم لرووی هر یرونن داشیدم
هر زمان دا سسون گلیپ قولاقیما چاتاندا اوزاخ یردن تز یتیشیپ قاپولارون آچیدم
ساز گوتوروپ اوتوریدم داغلارون باشیندا شاعر اولوپ فراقووه بیر کلمه شعر قوشیدم
"هادی" سنن اوزاخ دوشسه غربتلرده قالانجا کاش گلیدم نچه ایلده جوارونده یاشیدم
عکاس و شاعر:هادی روحی نساز